Sherali Jo'rayev - Bobodehqon matni

Beshikdan sahroga uloqqan yo`llar, {x2}
Qilichmas ketmonga uzangan qo`llar,
Tuproqdan yaralgan rizqu tiriklik,
Ona allasidan boshlangan kuylar.

Tuproqdan yaralgan rizqu tiriklik,
Ona allasidan boshlangan kuylar.
Belingga quvvat bo`lay, dardingga darmon,
Mehnat deya tug`ilgan, ey bobodehqon.

Yetmish-saksongacha ishlab tolmading,
Mehnatsiz turmushni ko`ra olmading,
O`pqonu xalqumlar yamlab ketsa-da,
Ko`ngil deb haqingni so`rab olmading.

O`pqonu xalqumlar yamlab ketsa-da,
Ko`ngil deb haqingni so`rab olmading.
Belingga quvvat bo`lay, ey bobodehqon,
Yer kabi kamtarin, ey ona dehqon.

Yerga egilasan ertadan to kech,
Bu kamtar to`ningni biron marta yech,
Seni mehnating-la gerdayganlarni
To`ydirib, kiydirib, gerdaymading hech.
Belingga quvvat bo`lay, dardingga darmon,
Mehnat deya tug`ilgan, ey bobodehqon,
Senga yelkadoshdur chorvador, cho`pon.

Chorvador deganda cho`l, tog` eslanar,

Xorg`in cho`pon tutgan tayoq eslanar,
Ba’zan cho`ponlarning zahmati qolib,
Barra kabob, qimiz, qaymoq eslanar.

So`zim yoqmaganlar chidab tursinlar,
Issiq tanasiga o`ylab ko`rsinlar.
Sen oylab o`tkazgan qoru yomg`irda
Mard bo`lsalar, bir kun turib bersinlar.

Sen oylab o`tkazgan qoru yomg`irda
Mard bo`lsalar, bir kun turib bersinlar.
Ulug` Vatan uchun zirhu qalqonim,
Chorvador cho`ponim, bobo dehqonim.

Шерали Жўраев - Бободеҳқон

Бешикдан саҳрога улоққан йўллар, {х2}
Қиличмас кетмонга узанган қўллар,
Тупроқдан яралган ризқу тириклик,
Она алласидан бошланган куйлар.

Тупроқдан яралган ризқу тириклик,
Она алласидан бошланган куйлар.
Белингга қувват бўлай, дардингга дармон,
Меҳнат дея туғилган, эй бободеҳқон.

Етмиш-саксонгача ишлаб толмадинг,
Меҳнатсиз турмушни кўра олмадинг,
Ўпқону халқумлар ямлаб кетса-да,
Кўнгил деб ҳақингни сўраб олмадинг.

Ўпқону халқумлар ямлаб кетса-да,
Кўнгил деб ҳақингни сўраб олмадинг.
Белингга қувват бўлай, эй бободеҳқон,
Ер каби камтарин, эй она деҳқон.

Ерга эгиласан эртадан то кеч,
Бу камтар тўнингни бирон марта еч,
Сени меҳнатинг-ла гердайганларни
Тўйдириб, кийдириб, гердаймадинг ҳеч.
Белингга қувват бўлай, дардингга дармон,
Меҳнат дея туғилган, эй бободеҳқон,
Сенга елкадошдур чорвадор, чўпон.

Чорвадор деганда чўл, тоғ эсланар,
Хорғин чўпон тутган таёқ эсланар,
Баъзан чўпонларнинг заҳмати қолиб,
Барра кабоб, қимиз, қаймоқ эсланар.

Сўзим ёқмаганлар чидаб турсинлар,
Иссиқ танасига ўйлаб кўрсинлар.
Сен ойлаб ўтказган қору ёмғирда
Мард бўлсалар, бир кун туриб берсинлар.

Сен ойлаб ўтказган қору ёмғирда
Мард бўлсалар, бир кун туриб берсинлар.
Улуғ Ватан учун зирҳу қалқоним,
Чорвадор чўпоним, бобо деҳқоним.