Sherali Jo'rayev - Bahor aldamas matni

Ishonishib qishning iliq kuniga
Ba’zi bir daraxtlar kurtak yozibdi. (x2)
Ayyor qish o`ronib bahor to`niga,
Soddalar ostiga chuqur qazibdi.

Bardoshni yo`qotmay kutinglar bir pas,
Bahor ham keladi, bahor aldamas. (x2)

Goh odam qoqinar, yo`ldan adashar,
Xatoga yo`l qo`yar, xom sut emgan-da.
Ba’zilar vabodek unga qarashar,
Go`yo qabr tuzatar buni, degandek.

Siz uning qalbiga boqingiz bir pas,
Qadami adashsa, qalbi aldamas. {x2}

Yaxshi ham, yomon ham qolmas betobut,
Dunyoda hech kimsa qolmagay mangu.
Tuproqqa qo`yilgach, kim bo`lsa unut,

Hayotning qahriga uchragani bu.

Tuproqqa qo`yilgach, kim bo`lsa unut,
Insonlar qahriga uchragani bu.

Ey ko`nglim, bunchalar kuyinmagin bas,
Elga boq, el ko`zgu, xalqing aldamas. {x2}
Bahor ham keladi, bahor aldamas. {x3}

Шерали Жўраев - Баҳор алдамас

Ишонишиб қишнинг илиқ кунига
Баъзи бир дарахтлар куртак ёзибди. (х2)
Айёр қиш ўрониб баҳор тўнига,
Соддалар остига чуқур қазибди.

Бардошни йўқотмай кутинглар бир пас,
Баҳор ҳам келади, баҳор алдамас. (х2)

Гоҳ одам қоқинар, йўлдан адашар,
Хатога йўл қўяр, хом сут эмган-да.
Баъзилар вабодек унга қарашар,
Гўё қабр тузатар буни, дегандек.

Сиз унинг қалбига боқингиз бир пас,
Қадами адашса, қалби алдамас. {х2}

Яхши ҳам, ёмон ҳам қолмас бетобут,
Дунёда ҳеч кимса қолмагай мангу.
Тупроққа қўйилгач, ким бўлса унут,
Ҳаётнинг қаҳрига учрагани бу.

Тупроққа қўйилгач, ким бўлса унут,
Инсонлар қаҳрига учрагани бу.

Эй кўнглим, бунчалар куйинмагин бас,
Элга боқ, эл кўзгу, халқинг алдамас. {х2}
Баҳор ҳам келади, баҳор алдамас. {х3}