Renat Sobirov - Kulib qo‘ydim matni

Ortimdan g‘iybatlar qildilar nechun?
Do‘st deganing do‘st bo‘ldi manfaat uchun
Bir so‘z demay ketdi yor ko‘nglim uchun
Men ularning bariga kulib qo‘ydim

Tangridan so‘radim dardimga davo
Do‘st degani go‘yo o‘zgaruvchan havo
Hayotimda chalindi bir dardli navo
Men ularning bariga kulib qo‘ydim

Onam so‘radilar ne bo‘ldi deya
Ne dard qiynar seni bolam deya
Onamga hammasi ajoyib dedim
Men onamga qarab jilmayib kuldim

Gohida omad ham meni tark etdi
Bir yelkadosh sirdoshga hayot zor etdi
Dushmanlar poyida meni xor etdi
Men indamay bariga kulib qo‘ydim

Hayotda odam qiyofa hayvonlar ko‘rdim

Hayvon ham odamdan sodiqligini bildim
Sinovlardan gohida men juda ham to‘ydim
Men baribir bariga kulib qo‘ydim

Bugun esa kulishni istamam Olloh
Sendan o‘zgasidan topolmadim panoh
Yurakda qattiq og‘riq, bu ne dard ey voh
Ko‘zlarimda yosh ila kulib qo‘ydim
Men baribir bariga kulib qo‘ydim

Ренат Собиров - Кулиб қўйдим

Ортимдан ғийбатлар қилдилар нечун?
Дўст деганинг дўст бўлди манфаат учун
Бир сўз демай кетди ёр кўнглим учун
Мен уларнинг барига кулиб қўйдим

Тангридан сўрадим дардимга даво
Дўст дегани гўё ўзгарувчан ҳаво
Ҳаётимда чалинди бир дардли наво
Мен уларнинг барига кулиб қўйдим

Онам сўрадилар не бўлди дея
Не дард қийнар сени болам дея
Онамга ҳаммаси ажойиб дедим
Мен онамга қараб жилмайиб кулдим

Гоҳида омад ҳам мени тарк этди
Бир елкадош сирдошга ҳаёт зор этди
Душманлар пойида мени хор этди
Мен индамай барига кулиб қўйдим

Ҳаётда одам қиёфа ҳайвонлар кўрдим
Ҳайвон ҳам одамдан содиқлигини билдим
Синовлардан гоҳида мен жуда ҳам тўйдим
Мен барибир барига кулиб қўйдим

Бугун эса кулишни истамам Оллоҳ
Сендан ўзгасидан тополмадим паноҳ
Юракда қаттиқ оғриқ, бу не дард эй воҳ
Кўзларимда ёш ила кулиб қўйдим
Мен барибир барига кулиб қўйдим