Giyosbek Narzullayev - Bu Muhabbat Tarixi matni

Bu muhabbat tarixi tillarda boʻldi doston,
Saharlari shodligu, kun botarlari armon.
Hech bir oshiq koʻrmagan, goʻzal edi damlari,
Mani ado ayladi bugun sevgi gʻamlari.

Goʻzal edi yorijon, koʻzlari xumor-xumor,
Davosi yoʻq bir dardi, uni ayladi bemor.
Koʻzlarimga termulib, gulim koʻzi yumildi,
Tuproqlarga emas u, yuragimga koʻmildi.

Bugun yomgʻir yuvolmas, koʻzdan oqqan yoshimni,
Essizgina boy berdim goʻzal qalam qoshimni.
Ey dunyo, yolgʻon dunyo, bizda qasding bormidi?

Hammaga keng quchogʻing, bizga kelsa tormidi?

Ifori soʻlim-soʻlim, yetmadi yorga qoʻlim,
Bugun tuproq bagʻrida yotarmush atirgulim.
Endi hayot qiziqmas, yashagandan netarman,
Boshim olib bu yerdan, olislarga ketarman.

Гиёсбек Нарзуллаев - Бу Муҳаббат Тарихи

Бу муҳаббат тарихи тилларда бўлди достон,
Саҳарлари шодлигу, кун ботарлари армон.
Ҳеч бир ошиқ кўрмаган, гўзал эди дамлари,
Мани адо айлади бугун севги ғамлари.

Гўзал эди ёрижон, кўзлари хумор-хумор,
Давоси йўқ бир дарди, уни айлади бемор.
Кўзларимга термулиб, гулим кўзи юмилди,
Тупроқларга эмас у, юрагимга кўмилди.

Бугун ёмғир юволмас, кўздан оққан ёшимни,
Эссизгина бой бердим гўзал қалам қошимни.
Эй дунё, ёлғон дунё, бизда қасдинг бормиди?
Ҳаммага кенг қучоғинг, бизга келса тормиди?

Ифори сўлим-сўлим, етмади ёрга қўлим,
Бугун тупроқ бағрида ётармуш атиргулим.
Энди ҳаёт қизиқмас, яшагандан нетарман,
Бошим олиб бу ердан, олисларга кетарман.