Jahongir Otajonov - Uchrashmadik matni

Hayotning damlari – bahor yomg‘iri,
Uchrashmoq, ayrilmoq – inson taqdiri.
Mehr ko‘chasining yo‘qdir oxiri,
Bizlar bir ko‘rishib yoshlik chog‘ida,
Qaytib uchrashmadik umr bog‘ida. (x2)

Uchrashmadik, uchrashmadik,
Qaytib umr bog‘ida.
Uchrashmadik, uchrashmadik,
Boshqa istak tog‘ida.

Uchrashmadik, uchrashmadik,
Siz-la umid bog‘ida.
Uchrashmadik, uchrashmadik,
Boshqa istak tog‘ida.

Xazondan xazinroq umid xabarkim,
Aldangan armonin allalar har kim.
Unut bo‘lgan so‘zlar jaranglaydi jim,
Bugun nasib ne menga ishq chorbog‘ida,
Qaytib uchrashmadik umr bog‘ida.

Kunlarni almashdim asta yillarga,
Bag‘rimni ulashdim daydi yellarga.

Lek qalbimda joy yo‘q o‘zga gullarga,
Hamon ko‘nglimdasiz, dil ardog‘ida,
Nechun uchrashmadik istak tog‘ida?

Uchrashmadik, uchrashmadik,
Nechun istak tog‘ida?
Uchrashmadik, siz-la jonim,
Nega baxt so‘qmog‘ida? (x2)

Uchrashmadik, uchrashmadik,
Nechun istak tog‘ida?
Uchrashmadik, uchrashmadik,
Boshqa istak tog‘ida.

Жаҳонгир Отажонов - Учрашмадик

Ҳаётнинг дамлари – баҳор ёмғири,
Учрашмоқ, айрилмоқ – инсон тақдири.
Меҳр кўчасининг йўқдир охири,
Бизлар бир кўришиб ёшлик чоғида,
Қайтиб учрашмадик умр боғида. (х2)

Учрашмадик, учрашмадик,
Қайтиб умр боғида.
Учрашмадик, учрашмадик,
Бошқа истак тоғида.

Учрашмадик, учрашмадик,
Сиз-ла умид боғида.
Учрашмадик, учрашмадик,
Бошқа истак тоғида.

Хазондан хазинроқ умид хабарким,
Алданган армонин аллалар ҳар ким.
Унут бўлган сўзлар жаранглайди жим,
Бугун насиб не менга ишқ чорбоғида,
Қайтиб учрашмадик умр боғида.

Кунларни алмашдим аста йилларга,
Бағримни улашдим дайди елларга.
Лек қалбимда жой йўқ ўзга гулларга,
Ҳамон кўнглимдасиз, дил ардоғида,
Нечун учрашмадик истак тоғида?

Учрашмадик, учрашмадик,
Нечун истак тоғида?
Учрашмадик, сиз-ла жоним,
Нега бахт сўқмоғида? (х2)

Учрашмадик, учрашмадик,
Нечун истак тоғида?
Учрашмадик, учрашмадик,
Бошқа истак тоғида.