Sherali Jo'rayev - Qarashlarga matni

Shirin jonim fido bo`lsun o`shal bo`ylab qarashlarga, {x2}
Gahi o`ynab, gahi yayrab, gahi so`ylab qarashlarga. {x2}

Bu ne rohat, deya qalbim nishon o`lmoqqa hozirdur, {x2}
Otish-chun shay bo`lib qoshlar, o`qin joylab qarashlarga. {x2}

Qoshing ostidagi ayyor nishonga oldilar nogoh,
Meningdek notavon shoddir, bu xil siylab qarashlarga.

Raqiblar sezsalar, jonon, kuyib kul bo`lg`usi shu dam,
Alardin ajratib bizni suyib-saylab qarashlarga. {x2}

Tig`ing yetganda ko`ksimga, ki ko`zlar to`qnashib qolgay,
Nishonga tegdimu yo`qmi, deya o`ylab qarashlarga. {x1+x1}

Muruvvat qilmasang, qalbim yarosi bitmag`ay emdi,
Dilim mushtoq, borurman, deb imo aylab qarashlarga. {x2}

Kel, endi bir visolingga yetay dilxasta oshiqman,

Sababdursan dili yig`lab, tili kuylab qarashlarga. {x2}

Tunu-kun oy-quyosh yanglig` ko`zim ustida bo`l, jonim,
Sabab bo`lma oyu yillab yo`ling poylab qarashlarga.
Sabab bo`lma yo`ling poylab oyu yillab qarashlarga.

Shirin jonim fido bo`lsun o`shal bo`ylab qarashlarga…

Шерали Жўраев - Қарашларга

Ширин жоним фидо бўлсун ўшал бўйлаб қарашларга, {х2}
Гаҳи ўйнаб, гаҳи яйраб, гаҳи сўйлаб қарашларга. {х2}

Бу не роҳат, дея қалбим нишон ўлмоққа ҳозирдур, {х2}
Отиш-чун шай бўлиб қошлар, ўқин жойлаб қарашларга. {х2}

Қошинг остидаги айёр нишонга олдилар ногоҳ,
Менингдек нотавон шоддир, бу хил сийлаб қарашларга.

Рақиблар сезсалар, жонон, куйиб кул бўлғуси шу дам,
Алардин ажратиб бизни суйиб-сайлаб қарашларга. {х2}

Тиғинг етганда кўксимга, ки кўзлар тўқнашиб қолгай,
Нишонга тегдиму йўқми, дея ўйлаб қарашларга. {х1+х1}

Мурувват қилмасанг, қалбим яроси битмағай эмди,
Дилим муштоқ, борурман, деб имо айлаб қарашларга. {х2}

Кел, энди бир висолингга етай дилхаста ошиқман,
Сабабдурсан дили йиғлаб, тили куйлаб қарашларга. {х2}

Туну-кун ой-қуёш янглиғ кўзим устида бўл, жоним,
Сабаб бўлма ою йиллаб йўлинг пойлаб қарашларга.
Сабаб бўлма йўлинг пойлаб ою йиллаб қарашларга.

Ширин жоним фидо бўлсун ўшал бўйлаб қарашларга…