G'anisher Abdullayev - Omad qushi matni

Beta'sirga dars berolmas ming ibratli qissa ham
Hayotingga qo‘shilmasin ulardan bir hissa ham
Jon saqlay deb chekinmagin mayli suvni kechaver
O‘tma nomard ko‘prigidan suv seni oqizsa ham

Omad qushin o‘z boshingga o‘zing qo‘ndirib yasha
Nomardlarning naqdi qursin yo‘qni yo‘ndirib yasha (2x)

Xizmatingga rag‘bati yo‘q yoki biror rahmati
Ilondan ham xatarlidir undaylarning illati
Och bo‘lsang och yuravergin yupin bo‘lsang shunday o‘t
Bir koringga yarab qolsa tugamaydi minnati

To‘lmagan shu yarim ko‘ngling o‘zing to‘ldirib yasha
Nomardlarning naqdi qursin yo‘qni yo‘ndirib yasha (2x)

Yomoningni yillab saqlar, yaxshiliging tez unutar

Yuz bor xo‘p deb bir yo‘q desang kelib yoqangdan tutar
Izzat talab, g‘urbat talab, hurmat talab nokaslar
El ichinda unga ta'zim qilib yurishing kutar

Ularning bu nafs o‘tini yoqmay so‘ndirib yasha
Nomardlarning naqdi qursin yo‘qni yo‘ndirib yasha
Omad qushin o‘z boshingga o‘zing qo‘ndirib yasha
Nomardlarning naqdi qursin yo‘qni yo‘ndirib yasha

Ғанишер Абдуллаев - Омад қуши

Бетаъсирга дарс беролмас минг ибратли қисса ҳам
Ҳаётингга қўшилмасин улардан бир ҳисса ҳам
Жон сақлай деб чекинмагин майли сувни кечавер
Ўтма номард кўпригидан сув сени оқизса ҳам

Омад қушин ўз бошингга ўзинг қўндириб яша
Номардларнинг нақди қурсин йўқни йўндириб яша (2х)

Хизматингга рағбати йўқ ёки бирор раҳмати
Илондан ҳам хатарлидир ундайларнинг иллати
Оч бўлсанг оч юравергин юпин бўлсанг шундай ўт
Бир корингга яраб қолса тугамайди миннати

Тўлмаган шу ярим кўнглинг ўзинг тўлдириб яша
Номардларнинг нақди қурсин йўқни йўндириб яша (2х)

Ёмонингни йиллаб сақлар, яхшилигинг тез унутар
Юз бор хўп деб бир йўқ десанг келиб ёқангдан тутар
Иззат талаб, ғурбат талаб, ҳурмат талаб нокаслар
Эл ичинда унга таъзим қилиб юришинг кутар

Уларнинг бу нафс ўтини ёқмай сўндириб яша
Номардларнинг нақди қурсин йўқни йўндириб яша
Омад қушин ўз бошингга ўзинг қўндириб яша
Номардларнинг нақди қурсин йўқни йўндириб яша